2023 жылғы 20 қыркүйек күні Тараз қаласында «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы Әлеуметтік Жобаның аясында «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Жамбыл облыстық филиалы мемлекеттік органдардың қызметкерлерімен Диалог алаңын ұйымдастырды.
Бұл Әлеуметтік Жобаны «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.

Диалог алаңына Жамбыл аудандық әкімдігінің мемлекеттік қызметкерлері және БАҚ өкілдері қатысты.
Іс-шараны кіріспе сөзбен «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Жамбыл облыстық филиалының Директоры Қ. Төлендиев ашты.
Диалог алаңы «сұрақтар және жауаптар» форматында өткізіліп, бірқатар мемлекеттік қызметкерлердің сұрақтарына жауап-түсініктемелер берілді.
Ел Президенті Қасым-Жомарт Тоқаев кешегі бірінші қыркүйектегі Қазақстан халқына Жолдауында:
«... Адал азамат және тұғырлы тұлға болудың негізі бала кезден қалыптасады.
Сондықтан біз жас ұрпақтың қауіпсіз әрі алаңсыз өмір сүруін қамтамасыз етуге тиіспіз.
... Әрбір азаматымыз, әсіресе, жастар ең жақсы қасиеттерді бойына сіңіруі қажет.
Әркім отаншыл, білімпаз, еңбекқор, тәртіпті, адал, әділ, үнемшіл әрі жанашыр болса, алынбайтын асу жоқ» деді.
Осы орайда, «ЖАҢАРУ» Республикалық қоғамдық бірлестігінің биылғы іске асырып жатқан жобасы сәтті таңдалған іс-шара деп айтуға болады, себебі жастардың құқықтық сауаттылығын арттыруға бағытталған.
БАҚ-та, мемлекеттік органдардың веб-сайттарында орналастырылған ақпараттың толықтығы, өзектілігі және қолжетімділігі өлшемдері бойынша Мемлекеттік органдардың ақпараттық ашықтығының жеткіліксіз дәрежесін, сондай-ақ жастар ортасында сыбайлас жемқорлыққа қарсы құндылықтардың орнықтылық деңгейін анықтады.
Жастардың мемлекеттік органдарға деген сенім деңгейін төмендетудің басты проблемасы сыбайлас жемқорлық және мемлекеттік аппараттың қоғамдық бақылаудан жабылуы болып табылатыны белгілі.