Сәрсен Аманжолов атындағы Шығыс Қазақстан университетінің білім алушыларымен   «ЖАҢАРУ» сыбайлас жемқорлыққа қарсы жалпыұлттық қозғалысы» республикалық қоғамдық бірлестігінің Шығыс Қазақстан облыстық филиалының бастамасымен «Жастарды құқықтық тәрбиелеу сыбайлас жемқорлыққа қарсы дүниетанымның негізі» атты жобасы аясында Сәрсен Аманжолов атындағы Шығыс Қазақстан университетінің Сыбайлас жемқорлыққа қарсы комплаенс қызметінің жетекшісі Жексембаев Қайнар Ерланұлы басты спикер ретінде, білім алушылармен еркін форматта сұхбаттасып, ашық диалог алаңын өткізді.
   Кездесу барысында университет студенттеріне академиялық адалдық қағидаттарын жан-жақты түсіндіріп, сыбайлас жемқорлыққа қарсы мәдениетті қалыптастырудағы жастардың белсенді рөліне тоқталып өтілді. Сонымен қатар, қоғамда парасаттылық құндылықтарын насихаттаудың маңыздылығын және заманауи антикоррупциялық тетіктердің тиімділігі туралы ақпарат берілді. Шара барысында насихат парақшалары таратылып, жемқорлықпен күрес тақырыбында видео түсірілім көрсетілді.
   Жиын барысында білім алушылар тақырып төңірегінде өздерін қызықтырған өзекті сұрақтарын қойып, еркін пікірлерімен алмасты. Студенттер тарапынан қойылған әрбір сауалға тұщымды жауаптар беріліп, өзара сенімге негізделген ашық әңгіме өрбіді. Шара жоспарланған мақсатына жетіп, тиісті деңгейде өтті.