Бүгін «Байтақ» жасылдар партиясы кеңсесінде «ЖАҢАРУ» сыбайлас жемқорлыққа қарсы қозғалыс Республикалық қоғамдық бірлестігі өкілдерінің қатысуымен келелі кездесу өтті. Аталған іс-шараға «ЖАҢАРУ» РҚБ-ің төрағасы М.З. Семғалиев, құрметті төраға О.Ә. Әбдікәрімов, төраға орынбасары Б.Б. Мамраев, «БАЙТАҚ» жасылдар партиясының төрағасы А.С. Әміртаев, ҚР Президенті жанындағы Ұлттық құрылтай мүшесі Ирак Елекеев және партия мен бірлестік тарапынан белсенділер қатысты. Шара барысында екі тараптанда төрағалар сөз алып атқарылып жатқан жұмыстарға шолу жасап өз ой пікірлерімен бөлісті.
     Атап айтсақ «ЖАҢАРУ» РҚБ-ің төрағасы Мэлс Семғалиев өз сөзінде партиямен бірлесіп өткізіп отырған іс-шара, өңірлердегі мемлекеттік органдары өкілдерімен және басқа да партиялармен, қоғамдық ұйымдармен өз-ара ынтымақтастық келісім шарт аясында жүзеге асыру жолға қойылғанын атап өтті.
     Іс-шара барысында мемлекеттік саясатты оңтайлы жүзеге асыру және осы саладағы ұйымдастыру - әдістемелік, ақпараттық және тағы басқа өзара әрекеттестікті дамыту мақсатында азаматтық қоғамды дамыту және жемқорлықпен күрес, экологияға қатысты қоғамдық бақылау жүргізу, жемқорлыққа төзбеушілікті қалыптастыруда іс-шараларды бірігіп іске асыру туралы атап өтілді. «БАЙТАҚ» партиясының төрағасы Азаматхан Әміртаев өз сөзінде жалпыхалықтық референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті. Еліміздің Ата заңы - Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.
      Шара барысында келелі мәселер талқыланып соңында ақпараттық және тағы басқа өзара дамыту мақсатында экологияға қатысты қоғамдық бақылау жүргізу, жемқорлыққа төзбеушілікті қалыптастыруда бір бітімге келіп ынтымақтастық және өзара іс-қимыл туралы келісім шартқа қол қойылды.