8 қараша 2024 жылы «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Қарағанды облыстық филиалы Қазақстан Республикасы Мәдениет және қоғамдық даму министрлігінің «Азаматтық бастамаларды қолдау орталығының» қолдауымен «Жастардың құқықтық сауаттылығын және құқық қорғау органдарына сенім деңгейін арттыру» атты әлеуметтік жобасы шеңберінде Құқықтық және қаржы пәндері кафедрасының аға оқытушысы Әсел Қасенқызы Ахметованың жетекшілігімен және Жастар ісі комитетінің құрамының ұйымдастыруымен Академия студенттері «Әйелдер полиция бөлімінің»- қызметімен танысу іс-шарасы ұйымдастырылды.

Қарағандыда 2023 жылы Қазақстандағы алғашқы “Әйелдер полиция бөлімшесі” ашылған. Ол полициялық бөлім емес, бөлімшесі де емес, өйткені ол жерде қызметкерлер полиция формасында жүрмейді, ал әйелдер зорлық-зомбылық құрбандарымен сөйлеседі және де сыбайлас жемқорлыққа қарсы үгіт насихат жұмысын жүргізетінін түсіндірді.

Әйелдер полиция учаскесі – 2023 жылдың тамыз айында Қарағандының Оңтүстік-шығысында ашылған отбасына көмек көрсетудің бірыңғай орталығының жеңілдетілген атауы екені, сондай-ақ бұл жерге кіргенде, оның полиция бөліміне мүлдем ұқсамайтындығын байқауға болады.

Бөлімше маманы Орталық полиция қызметкерлері ғана емес, әртүрлі мамандар қабылдайтын бірнеше кабинетке бөлінгенін, 14 жұмыс кабинетінде психологтар, заңгерлер, сот орындаушылары, ювеналды полиция, теологтар, еріктілер, медиаторлар, әлеуметтік қызметкерлер және басқалар жұмыс істейтінің таныстырды және бөлімше жұмысының қыр-сырын түсіндірді.

Орталыққа түрлі мәселелер бойынша жүгінуге болады: бұл отбасылық-тұрмыстық зорлық-зомбылық, алимент төлемеу, діни келіспеушіліктер.

Бізге орталықтың облыс бойынша ашылған 10 дағдарыс орталығымен жұмыс істейтіні айтылды. Егер әйелге (әсіресе ол балаларымен бірге болса) баратын жер болмаса және үйіне баруға қорқатын болса, онда орын болған жағдайда ол бірден дағдарыс орталығына жіберіледі. Бұл тегін. Ер адамдардың да көмек сұрап келетін кездері болады.

Ашылған сәттен бастап орталық қызметкерлері 663 адамды қабылдаған, олардың ішінде:

• дағдарыс орталықтарына 35 адам (15 әйел және 20 бала) орналастырылды;

• 202 адам психологиялық кеңес алды;

•12 адам медиаторға жүгінді;

• 328 азамат заң көмегін алды;

• қамқоршылықтың алты мәселесін шешті;

• 298 абьюзер жазаланды (профилактикалық әңгімелер, қорғаныс ережелері, әкімшілік хаттамалар, мәжбүрлеп емдеу).

Орталық қызметкерлері біздің студенттер үшін қызықты экскурсия өткізді, орталықтың жұмысы туралы, практикалық жұмыстағы қызықты фактілер туралы айтып, құқық қорғау органдарының ақпараттық базаларымен таныстырды. Аталған іс-шара болашақ заңгерлерге өте ұнады. Бұл кездесу студенттердің тұрмыстық зорлық-зомбылық мәселесіне деген көзқарасын өзгертетіні сөзсіз. Бөлімше жұмысымен толық таныстық, сыбайлас жемқорлыққа қарсы игілікті жұмыстар жүргізгені бізге ой салды.

«ЖАҢАРУ» РҚБ Баспасөз қызметі