2024 жылғы 29 қазан күні Көкшетау қаласында «ЖАҢАРУ» белсенділері Қазақстан Республикасы Төтенше жағдайлар министрлігінің Мәлік Ғабдуллин атындағы Азаматтық қорғау академиясына барды.

Бұл сапарды «ЖАҢАРУ» Сыбайлас жемқорлыққа қарсы ұлттық қозғалыс» Республикалық қоғамдық бірлестігі Ақмола облыстық филиалы ұйымдастырды.

Сапар барысында «ЖАҢАРУ» белсенділері Академия курсанттарымен және қызметкерлерімен кездесті.

«ЖАҢАРУ» РҚБ Ақмола облыстық филиалының Директоры И.Г. Плюснин осы іс-шараның модераторы болды.

Кездесуге:

- Академия курсанттары;

- Академияның жас қызметкерлері;

- бұқаралық ақпарат құралдарының өкілдері;

- «ЖАҢАРУ» белсенділері;

- «ЖАҢАРУ» РҚБ «Жас Қыран» атаулы жастар ұйымының мүшелері қатысты.

Кездесу соңында «сұрақ – жауап» форматында пікір алмасу өтті.

Бұл сапар «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның шеңберінде ұйымдастырылды.

Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.