14.09.2023
2023 жылғы 13 қыркүйек күні Орал қаласындағы «Атамекен» өнер ордасында «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» Әлеуметтік Жобасының аясында «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің ұйымдастыруымен «Біз жемқорлыққа қарсымыз!» атаулы іс-шара өткізілді.
Бұл Әлеуметтік Жоба Қазақстан Республикасы Мәдениет және ақпарат министрлігінің «Азаматтық бастамаларды қолдау орталығы» КЕАҚ қолдауымен жүзеге асырылуда.
Іс-шараның мақсаты:
а) сыбайлас жемқорлықтың кез келген түрімен күресу жолында жастар арасында белсенді азаматтық ұстанымды қалыптастыру;
б) жастардың құқыққа қайшы әрекеттер мен әрекетсіздіктерден хабардар болу, құқықтық қорғалу және құқықтық сауаттылық деңгейін арттыру;
в) Жастар ортасында құқық қорғау органдарының оң имиджін іске асырылуының барысы туралы хабардар ету, кеңес, нақты көмек беру.
Іс-шара барысында «ЖАҢАРУ» РҚБ Төрағасы, ҚР Сыбайлас жемқорлыққа қарсы іс-қимыл агенттігі Қоғамдық кеңесінің мүшесі М.З. Семғалиев сөз сөйлеп, жастардың құқықтық мәдениетін қалыптастыру ең алдымен отбасынан басталатынын, сосын оқу орындарында жалғасатынын, одан ары өзін-өзі дамыту кезеңдерінде бұқаралық ақпарат құралдары, жастар бірлестіктері, әлеуметтік жобалар арқылы жүзеге асырылатынын атап айтты.
Іс-шараға құқық қорғау және сот органдарының қызметкерлері, білім және ғылым ұйымдарының өкілдері, ЖОО және колледждердің студенттері, жастар ұйымдарының мүшелері, «ЖАҢАРУ» РҚБ белсенділері, БАҚ журналистері қатысты.
Жарыссөзге «ҚазИИТУ» ғылыми-білім кешенінің құрылтайшысы, профессор, ҚР ҰИА академигі, вице-президенті, «ЖАҢАРУ» РҚБ Батыс Қазақстан облыстық филиалының Директоры А.С. Әйтімов, ҚР Сыбайлас жемқорлыққа қарсы іс-қимыл агенттігінің Батыс Қазақстан облысы бойынша Департаментінің басшысы Ә.Б. Сабуров және басқа қатынасушылар шығып, келелі пікірлерімен бөлісті.
Шара студенттер арасында қызу қолдау тапты, олар талқылауға белсенді қатысып сыбайлас жемқорлыққа қарсы іс-қимыл туралы жастардың көзқарастарын білдірді, өздерін қызықтырған сұрақтарға жауап алды.
Кездесу барысында сыбайлас жемқорлыққа қарсы іс-қимыл және оның туындау себептерін жою жолдарын жетілдіру талқыланып, оларды ұйымдастыру туралы іс-шаралар ұсынылды.