2024 жылғы 02 қазан күні Астана қаласы әкімдігінің «Жоғары медициналық колледжінде» «ЖАҢАРУ» Сыбайлас жемқорлыққа қарсы ұлттық қозғалыс» Республикалық қоғамдық бірлестігі Астана қалалық филиалының ұйымдастыруымен дәріс өтті.

    «ЖАҢАРУ» РҚБ Алматы ауданы филиалының Директоры Дарын Құралұлы Қапаров «Жастардың құқықтық сауаттылығын және құқық қорғау органдарына сенім деңгейін арттыру» тақырыбында дәріс оқыды.

   Дәріс Астана қаласы Алматы ауданы әкімдігі мен «ЖАҢАРУ» РҚБ Алматы ауданы филиалының Сыбайлас жемқорлыққа қарсы бірлескен іс-шара жоспары негізінде ұйымдастырылды.

   Шара соңында «сұрақ-жауап» форматында пікір алмасу ұйымдастырылып, буклеттер таратылып, сауалнама жүргізілді.

    Бұл іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында өтті.

    Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.

«ЖАҢАРУ» РҚБ Баспасөз қызметі