2024 жылдың 18 қыркүйек күні «Әдеп» жобалық кеңсесінің жетекшісі, Әлеуметтік және азаматтық даму департаменті директорының орынбасары, з.ғ.к., жоба лекторы Е.Е. Нұғыманов, Әлеуметтік жобалар бөлімінің бас маманы–теолог М. Дәрібай және Сарыарқа ауданы аға учаскелік инспекторы, полиция майоры Р. Қырықбаев «Еуразия ұлттық университеті» КеАҚ колледжінде «Жастардың құқықтық сауаттылығын арттыру» тақырыбында дәріс өткізді. Кездесу мен дәріс «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында ұйымдастырылды.

   Дәріске колледждің тәрбие ісі жөніндегі директор орынбасары С.   Аманжолов, колледж қызметкерлері, топ кураторлары және студенттер қатысып отырды.          

   Е. Нұғыманов қатысушыларды келген қонақтармен таныстырып студенттердің құқықтық сауаттылығына көп көңіл бөлу кажеттігін және осы бағытта жұмысты күшейту керектігіне тоқтала отырып оларды тәртіпті болуға, қоғамдық орындарда тәртіпті сақтауға, құқық қорғау органдарына сенімді күшейтуге, сыбайлас жемқорлыққа жол бермеуге шақырды. Дәріс барасында студенттерге сауалнама, буклеттер таратылды.   

    Сарыарқа ауданы аға учаскелік инспекторы, полиция майоры Р.Қырықбаев, студенттерді интернет арқылы ақшалай сыйлық үлестіру, жалақысы көп жұмысқа орналастыру секілді жарнамаларға алданбауға, ондай күдікті сайттарды ашпауға, курьер болып жұмыс жасайтындар алған заттарын тексеріп алуды, күман туған жағдайда оны ашып көрсетуін сұрауды немесе мүлдем алмауға шақырды.

    Сонымен қатар, лудомания мәселесіне тоқталып құмар ойыннан аулақ болуға, нашақорлық мәселесіне тоқталып, насывай тартатындар үшін де жауапкершілік күшейтілгенін айтып, бас бостандығынан айыру жазасы қолданатындығын ескертті.

    Әлеуметтік жобалар бөлімінің бас маманы-теолог М. Дәрібай ұлттық құндылықтар, білім, мәдениет, дін, ұғымдарына тоқталып, жалпы еліміздегі жастардың діни ұстанымдары жайында сөз қозғай келе, діннің тек қана бұйрық-тиымдардан тұрмайтындығын жеткізді. Сөз барысында ол ҚР “Діни қызмет және діни бірлестіктер” туралы заңына тоқталып, жастарды құқықтық сауатты болуға шақырды.

   Кездесу барысында студенттер сұрақтар қойып, пікір алмасып, жауаптар алды.

«ЖАҢАРУ» РҚБ Баспасөз қызметі