БҰҰ-ның Сыбайлас жемқорлыққа қарсы конвенциясы (БҰҰ ҚКП) мемлекеттік органдар үшін ұсыныстарды әзірлеуде маңызды рөл атқарады. Соңғы жылдары сыбайлас жемқорлыққа қарсы агенттіктің сарапшылары (ACA) көптеген салаларда, соның ішінде активтерді декларациялау, сыбайлас жемқорлықты қылмыс деп тану, оны қылмыстық заңнамада көрсету, осы орайда Ақпарат берушілерді қорғау саласында жетістіктерге жетті.
Жуырда БҰҰ-ның сайтында Қазақстандағы азаматтық қоғамның бет-бедеріне айналған «ЖАҢАРУ» сыбайлас жемқорлыққа қарсы жалпыұлттық қозғалыс республикалық қоғамдық бірлестігінің- сыбайлас жемқорлыққа қарсы күрес жүргізіп отырған бірден бір бірлестік екені туралы, оның атқарып отырған жұмыстары туралы маңызды ақпарат жарияланды.
Осы жылдың басында БҰҰ ЕҚДБ Еуропалық Қайта Құру және даму банкімен (ЕҚДБ) бірлесіп, Сыбайлас жемқорлыққа қарсы күрес саласындағы ағымдағы ынтымақтастықты талқылау үшін азаматтық қоғамның — сыбайлас жемқорлыққа қарсы агенттіктің (ACA) Қазақстан бойынша Астанадағы басқа да тиісті ұлттық серіктестіктері басшылары және сарапшыларымен кездесті.
Соңғы бірнеше жылда Қазақстан бірқатар сыбайлас жемқорлыққа қарсы реформалар мен науқандардан өтті.
Қазақстандық азаматтық қоғамның белсенді өкілдерінің қатарында «Жаңару «сыбайлас жемқорлыққа қарсы жалпыұлттық қозғалыс» республикалық қоғамдық бірлестігі- үкіметтік емес ұйымдардың ішіндегі сыбайлас жемқорлыққа қарсы күрестегі көшбасшылардың бірі болып табылады. Осы орайда Мемлекет басшысының сыбайлас жемқорлыққа қарсы саясатын қолдай отырып, халықтың өсіп, өркендеуі мен сыбайлас жемқорлықсыз қоғамда қалың жұртшылықтың, оның ішінде жастарымыздың бойында сыбайлас жемқорлыққа қарсы төзбеушілік қағидаттарын түсіндіру, ақпарат беру, осы бағытта ҚР заңдарына, тұжырымдамаларға дер кезінде ұсынымдар беріп, өз пікірлерін, үндерін қосып, келер ұрпақтың білікті маман, қоғамның белсенді азаматы болуы тұрғысында маңызды семинарлар ұйымдастыруды түбегейлі қолға алып, сонымен қатар сыбайлас жемқорлық көріністерін болдырмау жолында аянбай тер төгіп, тың идеялар мен жаңаша ізденістер мен іс-шараларды заманауи тұрғыда атқарып отырған — «ЖАҢАРУ» сыбайлас жемқорлыққа қарсы жалпыұлттық қозғалыс республикалық қоғамдық бірлестігінің төрағасы Мэлс Семғалиев: «Конвенция, атап айтқанда оның үкіметтік емес секторды тартуға қатысты ережелері- ҮЕҰ-дың жұмысын жеңілдететінін» айта келіп, «Жаңару» қоғамдық бірлестігі БҰҰ ҚКП 13-бабының негізінде Конвенцияны іске асыру жөніндегі мемлекеттің міндеттемелеріне мониторингті жүзеге асыратындығын тілге тиек етті».
Қоғамдық бірлестік- 2013 жылы құрылғаннан бері сыбайлас жемқорлыққа қарсы іс-қимыл туралы Ұлттық баяндама жобасына сараптамалық талқылаулар жүргізіп, мемлекеттік бағдарламалар мен стратегиялық құжаттарға ұсыныстар енгізіп келеді. Сонымен қатар Қазақстанның сыбайлас жемқорлыққа қарсы заңнамасының тиімділігін арттыруға бағытталған заң шығару процесінде инновацияларға бастамашы болды.
Бүгінгі таңда «Жаңару» сыбайлас жемқорлыққа қарсы жалпыұлттық қозғалыс республикалық қоғамдық бірлестігі «Жастардың сыбайлас жемқорлыққа қарсы санасын қалыптастыру жөніндегі іс-шаралар кешенін өткізу» тақырыбындағы әлеуметтік жоба шеңберінде көптеген дәрістер, пікірталастар, БАҚ-пен кездесулер, шеберлік-класстар, өңірлердің және мемлекеттік органдардың басшыларымен жастардың өзекті мәселелерін талқылауды, БАҚ-та және әлеуметтік желілерде белсенді түрде жариялап келеді.
Ақпаратты арттыру мақсатында халық игілігі үшін маңызды іс-шараларды өткізе отырып, сыбайлас жемқорлыққа қарсы арнайы бейнероликтер, буклеттер, парақшалар, брошюралар мен әдістемелік ұсынымдар жасау, мемлекеттік органдар үшін ұсыныстар мен ұсынымдар әзірлеуді басты назарына алды. Алдағы уақытта да ресми тұлғалар мен халыққа түсіндіру, ақпарат беру жұмыстарын жүргізу, сондай-ақ ынтымақтастықты кеңейту үшін қосымша тренингтер өткізуді жоспарлап отыр.
«Сыбайлас жемқорлыққа қарсы күрес- Қазақстанның күн тәртібіндегі шұғыл міндеттердің біріне айналды, сондай-ақ, қазақстандық «Стратегия -2050″ сияқты елдің негізгі саяси құжаттарының негізгі құрамдас бөлігі болып табылады». UNCAC-тың үлгісі мен серпініне сүйене отырып, мемлекеттік саясат сыбайлас жемқорлыққа қарсы стратегияны жүзеге асыруға азаматтық қоғам секторын көбірек тартуда.
Сыбайлас жемқорлыққа қарсы күрес агенттігі- үкіметтік емес мүдделі тараптардың өкілдерімен үнемі кездесіп отырады және «Жаңару» әзірлеген ұсыныстарды тікелей жоғары басшылыққа жеткізуге мүмкіндік берілді. Осы орайда «ЖАҢАРУ» қоғамдық бірлестігі өз ұсыныстарын Парламентке, Үкіметке, министрліктер мен ведомстволарға, провинциялық және жергілікті өкілді органдарға және барлық мүдделі тараптарға үнемі енгізіп отырады. Олар позициялары сәйкес келген кезде бір-бірін қолдау үшін Қазақстанның Азаматтық Альянсымен және басқа да көптеген ҮЕҰ-мен ынтымақтасады. Олардың өкілдері сыбайлас жемқорлыққа қарсы іс-қимыл агенттігінің, ІІМ, ақпараттық даму министрлігінің Қоғамдық кеңестеріне, сондай-ақ өңірлік және муниципалдық деңгейлерге қатысты. Аймақтық және ұлттық деңгейдегі бюджет шығындары туралы егжей-тегжейлі ақпаратқа қол жетімділіктің болмауы әлі де маңызды мәселелердің бірі болып табылады, сондай-ақ осы істердің басы-қасында сыбайлас жемқорлыққа қарсы қоғамда болып жатқан кереғарлықтарға журналистік зерттеу жұмыстарын жүргізетін журналистерді қолдау қажет»- деп атап өтті «ЖАҢАРУ» сыбайлас жемқорлыққа қарсы жалпыұлттық қозғалыс республикалық қоғамдық бірлестігінің төрағасы Мэлс Семғалиев БҰҰ-ның азаматтық қоғамдық бөлімінде жарияланған ақпаратында.
Осындай маңызды мәселелерді қамтыған қоғам үшін өзекті тақырыпқа айналып отырған сыбайлас жемқорлыққа қарсы тегеурінді тосқауыл қоюдың іс-қимылдары, осы жолда халықтың көкейде жүрген сыбайлас жемқорлықтың алдын алу, оның көлеңкелі тұстарымен бетпе-бет келіп, нақтылы іс-әрекеттер жасап, қоғамға өзіндік елеулі үлесін қосып отырған «ЖАҢАРУ» сыбайлас жемқорлыққа қарсы жалпыұлттық қозғалыс республикалық қоғамдық бірлестігінің айқын атқарып отырған қарқынды жұмыстары жөніндегі ақпаратты төмендегі сілтемеден оқып, таныса аласыздар.
Бұл сілтемені оқу үшін Whatsonhere сайтындағы «Жаңару» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің профиліне кіріп көруіңізге болады.
Оқу мүмкіндіктері туралы білу үшін БҰҰ UNP азаматтық қоғам бөлімінің веб-сайтына кіріңіз.
«ЖАҢАРУ» РҚБ баспасөз қызметі
