Сыбайлас жемқорлыққа қарсы әзірленіп жатқан тұжырымдама қызу талқыға түсті

36

Бүгін Қазақстан Республикасының Сыбайлас жемқорлыққа қарсы іс-қимыл агенттігінің Жамбыл облысы бойынша департаменті өңіріміздің зиялы қауымдастығымен, жоғарғы оқу орындарының профессорлық-оқытушылық құрамының қатысуымен Мемлекет басшысының тапсырмасы бойыша әзірленіп жатқан Сыбайлас жемқорлыққа қарсы саясат тұжырымдамасын талқылау бойынша дөңгелек үстел өтті.

Кездесуді департамент жанынан құрылған ақпараттық ағартушылық штабының жетекшісі Төлендиев Қасымхан Естемесұлы жүргізіп отырды.
Мемлекет басшысының Жолдауын іске асыру жөніндегі жалпыұлттық іс-шаралар жоспарына сәйкес, Қазақстан Республикасының 2022-2026 жылдарға арналған Сыбайлас жемқорлыққа қарсы саясат тұжырымдамаларын ағымдағы жылдың 15 желтоқсанына дейін әзірлеу көзделді.

Құжатты әзірлеуші Агенттік болғанымен, қоғам өкілдерінің және бизнес қауымдастықтарының ұсыныстары ерекше ескерілетін болады.
Департамент басшысының бірінші орынбасары Б. Ниязов әзірленіп жатқан құжаттың маңыздылығын айта кетіп, тұжырымдаманың құрамы жайлы толық тоқтап өтті.
Сонымен қатар аталған жиында Жамбыл облысының жоғарғы оқу орындарының басшылықтары оқу орындарында сыбайлас жемқорлыққа қарсы мәдениет қалыптастыру бойынша атқарып отырған жұмыстары туралы да айтып кетті.
Сонымен қатар, департамент жанынан құрылған ақпараттық ағартушылық штабының мүшелері тұжырымдамаға бірқатар ұсыныстарын айтып өтті.

Дөңгелек үстел барысында жиналған қауым әзірленіп жатқан тұжырымдаманы қызу талқыға салынды.
Тұрғындардың назарына, сыбайлас жемқорлыққа қарсы саясат тұжырымдамасына қосатын ұсыныстар арнайы сайт www.adal.com.kz арқылы қабылданады.